✨ اعتني بشعرك على الطريقة الهندية وخليه ينبض بالحياة ✨
لو تعبتي من شعرك اللي كل شويه بيوقع أو باهت ومافيهوش لمعة؟
لو نفسك يكون ناعم وكثيف زي شعر الهنديات؟
يبقى المقال ده ليكي 💛
لأننا هنتكلم عن العناية بالشعر على الطريقة الهندية اللي خلت شعرهم دايمًا أيقونة جمال بكل أنحاء العالم.
 |
| العناية بالشعر |
🌿 السر في الطبيعة يا جميله
الهنديات معروفين إنهم بيستخدموا مكونات طبيعية من قلب الطبيعة
يعني مافيش كيماويات ولا تلف
أهم الزيوت اللي بيستخدموها وبتفرق فعلًا مع الشعر:
-
زيت جوز الهند
بيغذي الفروة ويقوي البصيلات، وكمان بيدي لمعان مش طبيعي
حاولي تسخنيه شويه قبل ما تحطيه على شعرك -
زيت الأملا
مليان فيتامين C وبيعزز النمو
غير إنه بيساعد في تأخير الشيب كمان -
زيت الخروع
تقيل شويه بس مع الخلط بيدّي نتيجة هايلة
خصوصًا لو خلطتيه بزيت جوز الهند
🍀 خلطات سحرية على الطريقة الهندية
الهنديات مش بيكتفوا بالزيوت، بيحبوا يخلطوا حاجات تانيه تفيد الشعر
جربي الخلطة دي مره فالأسبوع وشوفي الفرق:
مكونات بسيطة:
- بيضة وحدة
- ملعقتين كبار زبادي
- ملعقة صغيرة عسل
- شوية من زيت جوز الهند
اخلطي كله مع بعض وافرديه على شعرك من الجذور للأطراف
سيبيه حوالي ساعة
بعدين اغسليه بالشامبو والبلسم
هتحسي شعرك ناعم ومرطب من أول استخدام
🌸 روتين العناية بالشعر على الطريقة الهندية
الهنديات عندهم روتين شبه مقدس لشعرهم
وهنا هنقولك خطوات بسيطة لو مشيتي عليها هتشوفي الفرق:
- كل أسبوع حمام زيت طبيعي
- تجنبي الغسيل اليومي عشان مايفقدش الزيوت الطبيعية
- سرحي شعرك بلطف، وخصوصًا قبل النوم
- استخدمي وسادة حرير بدل القطن لو تقدري
- مش لازم السيشوار كل مره، خليه طبيعي كل ما تقدري
🍵 التغذية من الداخل كمان مهمة
ماينفعش تهتمي بشعرك من بره وتنسي من جوه
الهنديات بياكلوا كتير أكلات فيها بروتين وزنك وحديد
زي السبانخ والعدس والبيض والمكسرات
اشربي ميه كتير وكلي فواكه زي البابايا والمنجا
كل ده بيساعد شعرك يبقى صحي ولامع أكث
في الآخر حابه أقولك إن العناية بالشعر على الطريقة الهندية مش بس وصفات وخلاص
هي حب واهتمام بنفسك وبجمالك
وكل ما كنتي صبورة وحافظتي على روتينك، شعرك هيشكرك قدام المرايا
جربي الوصفات دي وقوليلي في التعليقات،
إيه أكتر حاجه فرقِت معاكي؟
وماتنسي تعملي شير عشان صحباتك كمان يستفيدوا 💕