أفضل منتجات للشعر بعد البروتين لازم تكون عندك!
كلنا عارفين إن البروتين بيعمل معجزات للشعر المجهد والمتقصف.. بس المشكلة الحقيقية بتبقى بعد الجلسة.. إزاي تحافظي على النتيجة وتخلي شعرك فاتح ولامع من غير ما يتكسر تاني؟ علشان كده جبت ليكي أفضل منتجات للشعر بعد البروتين اللي هتخليكي متستناش الجلسة الجاية عشان تشوفي شعر حلو!
لو انتي لسه عاملة بروتين لشعرك، فـ أول سؤال هيخطر في بالك هو: إيش أستخدم بعد البروتين؟!
طبعًا ماينفعش تستخدمي أي منتج وخلاص، لأن شعرك بعد البروتين بيبقى حساس شوي ويحتاج عناية مخصوصه علشان تفضل النتيجة حلوه وما يتلفش شعرك مع الوقت.
في المقال دا بنرشحلك شوية منتجات للشعر بعد البروتين مجربة وحلوه، وكمان حنقولك ليه هي كويسه وليه لازم تختاري بعناية.
 |
| منتجات للشعر |
أول حاجة: الشامبو
بعد البروتين ما ينفعش تستخدمي أي شامبو فيه سلفات أو صوديوم، لأن المواد دي بتكسر البروتين وتخلي نتيجته تروح بسرعه.
فـ جربي تستخدمـي شامبوهات خالية من السلفات وتكون لطيفة عالشعر.
🌸 مجموعة لولين Lolane شامبو وبلسم خالي من الملفات
ينعم الشعر ويحافظ على البروتين لوقت اطول وبنفس الجودة
🌸 شامبو Tresemme Keratin Smooth بدون سلفات
ينظف بلطـف، ويخلي شعرك ناعم كأنك لسه طالعه من الكوافير.
🌸 شامبو OGX بالكيراتين
ريحته تجنن ويخلي الشعر يلمع، وكمان مناسب جدًا بعد البروتين.
ثاني شي: البلسم
مهم جدًا إنك تستخدمي بلسم بعد كل غسله علشان يرطب شعرك وما يتشابكش، بس لازم يكون برضو خالي من السلفات.
✨ بلسم GK Hair
تركيبتـه غنية بالكيراتين ومصممه مخصوص للشعر المعالج بالبروتين.
✨ بلسم Love Beauty And Planet
نباتي، ناعم، ويريّح الشعر، وكمان ريحته فواحه حقيقي.
لا تنسي الماسك!
الماسك هو سر النعومه واللمعان، استخدميه مره بالأسبوع على الأقل، وركزي على الأطراف.
💛 ماسك L’Oréal Paris Extraordinary Oil
فيه زيوت تغذي الشعر من جوه وتخليه طري وسهل التسريح.
💛 ماسك Novex Brazilian Keratin
برازيلي ومصمم للشعر بعد البروتين، يقوي ويغذي في نفس الوقت.
💛 ماسك مرطب عميق
البروتين بيعطي قوة.. بس الترطيب بيدي النعومة.. جربي ماسك جوجوبا أو أفوكادو مرتين في الأسبوع علشان توازني بين التغذية والترطيب
الزيوت والسيروم بعد البروتين
بعد الاستحمام، شعرك محتاج لمسة ناعمة تحفظ عليه وتحميه من الجفاف والتقصف. وهنا يجي دور السيروم أو الزيت الخفيف.
💧 سيروم مغذي للشعر
بعد البروتين.. الشعر بيحتاج حماية من الحرارة والتلف.. سيروم زي موروكانو أو لوريال هيكون صديقك المفضل علشان يخلي الشعر ناعم ومانع للتشابك
💧 زيت خفيف
زيت أرجان أو جوجوبا هيخلي الشعر لامع من غير ما يخليه ثقيل.. نقطة صغيرة على الأطراف وهتحسي بفرق كبير
نصيحة من القلب
لو ما اهتميتيش بـ منتجات للشعر بعد البروتين صح، شعرك ممكن يرجع يتقصف ويتشابك وتروح فلوس البروتين عالفاضي.
متغسليش الشعر بعد البروتين قبل ٤٨ ساعة
- خففي من السيشوار والبروتين الحراري
- استخدمي بخاخ حماية حراري قبل ما تستعملي المكواة
اختاري منتجاتك بعناية، واقري المكونات، وابعدي عن أي حاجه فيها "Sulfate" أو "Sodium Chloride".
خلاصة الكلام
العناية بالشعر بعد البروتين مش رفاهية، دي ضرورة لو عايزة شعرك يفضل ناعم ولامع لأطول وقت.
اعملي روتين ثابت، واستخدمي منتجات للشعر بعد البروتين تكون مخصصه، وصدقيني النتيجة هتبهرِك مع الوقت!
حابّه أسمع منك!
لو جربتي منتج وعجبك قوليلي في التعليقات، أو لو عندك سؤال، اسألي وأنا معاك دايمًا ♥️