صنف محمد أنواع الزوايا في الجدول أدناه ، فهل تصنيفه صواب أم خطأ

العناية بالشعر بعد الفرد.. خطوات بسيطه بس مهمه!

لو فردتي شعرك قريب، أكيد لاحظتي النعومه واللمعه اللي بتحسيها أول ما تخلصي، بس برضو قلتي فـ نفسك: طيب كيف أحافظ عليه كدا؟!
بصراحه، العناية بالشعر بعد الفرد مش شي ثانوي، لااا أبداً، دي أهم مرحله عشان شعرك يفضل ناعم ومفرود وما يرجعش يتقصف أو ينشف تاني.

العناية بالشعر بعد الفرد 

تعالي أقولك على شوية خطوات وروتين كدا على الماشي يخليكي ما تعانيش بعد الفرد 👇

غسيل الشعر؟ استني شويه!

أول غلطه ناس كتير بتعملها إنها تغسل شعرها بعد الفرد بيومين تلاته
لا يا قلبي، لازم تستني أقل حاجه خمس أيام قبل ما تحطي شعرك تحت المي
ليه؟ لأن الشعر لسه ما ثبتش و ممكن يرجع يهيش بسرعه
خليكي صبوره وهتلاقي النتيجه تستاهل

الشامبو؟ لازم يكون بدون سلفات

اختاري شامبو يكون خالي من المواد القاسيه زي السلفات والصوديوم
الحاجات دي بتنشف الشعر وتقضي على تأثير الفرد بسرعه
دوري على شامبو مكتوب عليه sulfate-free واعملي بيه شاورك الملوكي ✨

الترطيب؟ حياتك كلها ترطيب

من غير ترطيب، شعرك هيصير جاف وكأنه ما فردتيش
استعملي ماسك مره بالأسبوع وبلسم بعد كل غسله
ولو عندك زيت جوز الهند أو زيت الأرغان؟ حطي منه على الأطراف بعد الشاور

فرشه ناعمه ومعامله راقيه

متعامليش شعرك بخشونه
اختاري فرشه بأسنان ناعمه وابدأي من الأطراف وطلعي لفوق
وإياكي تفكي التشابك وهو مبلول، كدا بتقطعيه وانتي مش حاسه

لا للحرارة العالية 

يعني سشوار ومكواه كل يوم؟ لااااااا كدا بتدمري شعرك
لو مضطره، حطي سيروم حمايه قبل وبعد
بس خليه للاستخدام القليل جداً، شعرك مش لعبه

قص الأطراف بيجدد الحياه

كل فتره قصي شويه من الأطراف
مش لازم كتير، حتى لو نص سنتي
ده بيمنع التقصف ويخلي شكل شعرك صحي وأجمل 

نامي زي الأميرات

حاولي تنامي على مخده حرير أو حتى لفي شعرك بطرحه حرير
القماش ده بيقلل الاحتكاك ويحافظ على الفرد لأطول وقت

أكلك وشربك يفرقوا

ما تفكريش إن العناية بس من الخارج 
اشربي ماء كتير، وكلي أكل صحي، وشعرك هيتأثر أكيد

نصيحه من القلب ❤️

لو انتي عامله فرد كيميائي قوي، خدي بالك واعملي اختبار حساسيه قبل أي منتج جديد
وشوفي دايمًا المنتج المناسب لنوع شعرك بعد الفرد
ومتنسيش، الراحة النفسيه بتنعكس على كل حاجة.. حتى شعرك!

كلمه أخيرة

العناية بالشعر بعد الفرد مش مجرد رفاهيه.. دي خط دفاعك الأول ضد التقصف والهيشان
عامليه برقه، دلعيه، واهتمي بيه كأنه تاجك 💁‍♀️
ولو مشيتي على الخطوات اللي فوق؟ هتشوفي الفرق بعينك وبسرعه!

لو حبيتي المقال، شاركيه مع صحبتك اللي لسه فرده شعرها 😘
وخليهم يعرفوا إن سر الجمال مش بس في الفرد.. بل في العناية بالشعر بعد الفرد الصح!

تعديل المقال