اقوى ماسكات طبيعية للبشرة الدهنية تصغر المسام وتخفف الحبوب
لو بشرتك دهنية وتعاني من المسام الواسعة والحبوب المزعجة؟ تعالي أقولك على ماسكات طبيعية رهيبة ممكن تفرّق معك من أول كم استخدام
خلينا نكون صريحين شوي.. البشرة الدهنية مزعجة، خصوصًا لما تبدأ تطلع الحبوب وتخلي شكل الوجه مش نضيف حتى لو غسلتيه ألف مره 🫠
بس لا تشيلي هم، الحل موجود وبسيط وكله من مطبخك تقريبًا
 |
| ماسكات طبيعية لتصغير المسام |
✨ ليش مهم تختاري ماسكات مناسبة للبشرة الدهنية؟
البشرة الدهنية مش أي شي ينفع لها! لو حطيتي ماسك غلط ممكن تزيد الحبوب والمسام توسّع أكثر
فالموضوع حساس ويبغاله اختيارات صح
الماسكات الي بنقولك عليها اليوم مو بس تنظف، لكن كمان تساعد تصغر المسام وتخفف من ظهور الحبوب بشكل واضح
💛 ماسك الطين الاخضر مع شوية عسل
الطين الأخضر يمتص الدهون الزايده من المسام والعسل يعقم وينعم البشرة
خلطيهم سوا، حطيهم على وجهك واستني عليه شوي
بتحسي ببشرتك بعدها ناعمه ومشدوده والمسام شكلها أصغر
🧂 المكونات:
ملعقة طين أخضر
ملعقة صغيرة عسل نقي
شوية مويه ورد أو مويه معدنية للتخفيف
📌 طريقة الاستخدام:
اخلطي المكونات كويس لين يصير قوامه كريمي
نظفي وجهك بمويه فاتر
افردي الماسك على وجهك واتركيه حوالي ١٠ دقايق (لا تخلينه ينشف تمامًا)
اغسلي بمويه فاتر ثم مرري قطنة فيها مويه ورد
رطّبي وجهك بعده علطول
✨ هذا الماسك ممتاز لو بشرتك تطلع حبوب ودهنيه طول الوقت، لأنه يمتص الدهون ويعقّم المسام
 |
| ماسك الطين لتصغير المسام |
💦 ماسك الزبادي مع الشوفان
الزبادي يرطّب والشوفان ينظف وينعّم
لو بشرتك ملتهبه وفيها حبوب، هذا الماسك بيروّقها بشكل خيالي
وحرفيًا من أول مره تحسين الفرق
🧂 المكونات:
ملعقة زبادي طبيعي
ملعقة شوفان مطحون
نص ملعقة عسل (اختياري)
📌 طريقة الاستخدام:
اخلطي كل المكونات لين يصير معجون ناعم
حطيه على وجهك بحركات دائرية خفيفة
خليه على البشرة من ١٠ لـ ١٥ دقيقة
افركيه شوي قبل الغسيل عشان يشيل الجلد الميت
اغسلي وجهك بمويه باردة
✨ مناسب لو بشرتك فيها حساسية أو التهاب من الحبوب
🌿 ماسك النعناع ومية الورد
النعناع يبرد البشرة ويقلل الإفرازات، ومية الورد تشد وتنعّم
خلطة بسيطة بس نتيجتها فعّاله
استخدميه قبل المناسبات لو حابه تبيني ببشرة صافيه ومشدوده
🧂 المكونات:
أوراق نعناع طازجة أو ملعقة صغيرة نعناع مجفف
مويه ورد بارد
شوية نشا (لو حابة قوام سميك)
📌 طريقة الاستخدام:
اطحني النعناع (لو طازج) واخلطيه مع مويه الورد والنشا
افردي الماسك على وجهك وخصوصًا أماكن المسام الواسعة
اتركيه من ١٠ لـ ١٢ دقيقة
اغسليه بمويه باردة وامسحي وجهك بمويه ورد بعدها
✨ هذا الماسك يعطيك إحساس منعش ويشد البشرة بشكل ملحوظ، ويناسب البشرة الدهنية خصوصًا في الصيف
🌸 نصائح سريعة مع الماسكات
• غسّلي وجهك بمويه فاتر قبل الماسك
• ما تخلّين الماسك ينشف مره، خصوصًا ماسك الطين
• بعد ما تغسليه، مرّري قطنة بمية ورد عشان تهدي البشره
• لا تنسي الترطيب، حتى لو بشرتك دهنيه
🎯 ليش هذه الماسكات مميّزه؟
السر إن كل وحده منها فيها مكونات طبيعية، بدون أي مواد كيميائية تهيّج البشرة
وفوق كذا، كلها ماسكات للبشرة الدهنية تصغر المسام وتخفف الحبوب
يعني ضربتي عصفورين بحجر 💥
💬 ختام
جربي الماسكات هذي مره بالأسبوع على الأقل، وبتشوفي الفرق بنفسك
وشاركي المقال مع صديقاتك الي يعانون من نفس المشكلة
خليهم يعرفوا إن فيه حلول بسيطة وطبيعية بس فعّالة جدًا
اقرئي أيضاً:
- [أسباب تهيج البشرة الدهنية]
- [روتين يومي للبشرة الدهنية الحساسة]